— Жанғазы, сіздің кәсіби жолыңыз қалай басталды?
— Менің еңбек жолым 2009 жылы Балқаш кен-байыту фабрикасында басталды. Мен бас корпуста төртінші санаттағы диірмен машинисі ретінде жұмыс істедім. 2011 жылдың маусым айында маған бесінші біліктілікті санат берілді.
Екі жыл бойы технологиялық ауысымда диірмен машинисі болып қызмет еткеннен кейін, басшылық мені бас корпустың ауысым шебері қызметіне тағайындады. Содан бастап менің еңбек ұжымының жетекшісі ретіндегі мансабым басталды. 2019 жылдың наурызында мен бас корпус басшысы болдым, осы қызметте күні бүгінге дейін жұмыс жасап келемін. Ал осы жылдың сәуір айында Балқаш кен-байыту фабрикасының бас инженері қызметі бойынша «Қазақмыстың» кадрлық резервіне ендім.