Туризм, мәдениет және спорт

ТУРИЗМ, МӘДЕНИЕТ ЖӘНЕ СПОРТ

«Қазақмыс» бірқатар туристік объектілердің жобалық-сметалық құжаттамаларын әзірлеуге қаржы бөлді

ТУРИЗМДІ ДАМЫТУ

Бағдарламаның сәтті және тез арада орындалуына қызығушылық танытып отырған «Қазақмыс» бірқатар туристік нысандардың ЖСҚ-ларын (жобалық-сметалық құжаттама) әзірлеуге қаржы бөлді.

Сондай-ақ, аймақтағы тау-кен ісі мен металлургияның қалыптасуының тарихи жерлерін зерттеу және насихаттау, оларды кейіннен туристік маршруттарға қосу жұмыстары басталды.

ДРАМТЕАТРДЫ ДАМЫТУ

Мәдениет мәселесіне келетін болсақ, компания Қожамқұлов атындағы Жезқазған қазақ музыкалық-драма театрын жөндеу, жабдықтау және репертуарын кеңейтуге қаражат бөлуді жоспарлап отыр. Аймақтағы өзге мәдени нысандарға да көмек көрсетіледі.

САЛАУАТТЫ ӨМІР САЛТЫ ҮШІН

Салауатты өмір салтын насихаттау және жастарды спортқа тарту мақсатында «Қазақмыс» өңірге «Намыс» спорт клубын тартты. Меценаттар есебінен спорт клубы аймақта олимпиадалық спорт түрлерін дамытуда.

Ең үлкен күрес залы ашылған «Канск» спорт кешені қалпына келтірілді. Орта мектептерде спортпен шұғылданудың қосымша сабақтары ұйымдастырылып, қажетті құралдармен жабдықталды.