ҚАЗАҚСТАННЫҢ КЕН ӨНДІРУШІ ҚАЛАЛАРЫНДА ӨМІР ҚАЛАЙ ӨЗГЕРУДЕ
Сәт сайын мың құбылатын қазіргі жағдайда мемлекет пен бизнеске Қазақстан аймақтарындағы күрделі мәселелерді бірлесіп шешу қажеттілігі туындады.

Азық-түлік бағасының үнемі өсуі, медициналық қызмет пен білім сапасының төмендігі, ауыз судың тапшылығы, тұрғын үйдің жеткіліксіздігі және өзге де қиындықтар Жезқазған, Сәтбаев, Балқаш тұрғындарының едәуір бөлігін алаңдатуда деп хабарлайды NUR.KZ.

Жезқазған мен Балқаш облыстарының жалпы халқының саны бүгінде 250 мыңнан астам тұрғынды құрайды, олардың 39 мыңы «Қазақмыс» корпорациясында жұмыс істейді, басым көпшілігі Корпорация үшін тауарлар мен қызметтерді жеткізетін шағын және орта бизнес саласында тағы 30 мың адам еңбек етуде.

Осыған орай, компанияның тұрақты дамуы аталмыш қалалардың әл-ауқаты мен өркендеуіне тікелей байланысты екенін ескерген «Қазақмыс» өз ықпалындағы аймақтардың әлеуметтік мәселелерін шешуге атсалысады. Ел аймақтарының дамуын бағалау үшін Корпорация БҰҰ-ның 2015 жылғы 25 қыркүйектегі саммитінде қабылданған әлемдік Орнықты даму концепциясы мен халықаралық тәсілді негізге алды.
Корпорация тұрғындардың едәуір бөлігін жұмыспен қамтамасыз етумен қатар, салықтарды және басқа да төлемдерді ел бюджетіне жүйелі түрде, толық және уақытылы төлеп келеді, компания корпоративті әлеуметтік жауапкершілік шараларын жүзеге асыруға үлкен көңіл бөледі.

Осыған орай, өткен жылдың соңында Корпорация жанынан Өңірлік дамыту қызметі құрылды. Аталмыш қызмет қысқа мерзімде аймақтағы күрделі жағдайларды жан-жақты зерттей келе, қалалар мен облыс әкімдіктерімен бірлесіп, 2020-2025 жылдарға арналған Жезқазған, Сәтбаев және Балқаш қалаларын тұрақты дамыту бағдарламасын жасады.
2020-2022 жылдарға арналған бағдарламаны іске асыру үшін 19 млрд теңгеден астам қаражат бөлінді. Қаражат бөлу барысында тұрғындарды сапалы ауыз сумен қамтамасыз етуге, халықтың әлеуметтік жағынан осал топтарының тұрғын үй мәселелерін шешуге, бастауыш білім беру, денсаулық сақтау, қоғамдық қауіпсіздік сапасын жақсартуға және азық-түлік нарығын тұрақтандыруға баса назар аударылды.

ДАМЫТУҒА ИНВЕСТИЦИЯ

Жезқазған мен Балқаш өңірлері үлкен әлеуетке ие, мұнда маңызды табиғи ресурстар, өндірістік кәсіпорындар, құнарлы жерлер мен еңбекқор тұрғындар шоғырланған.

«Қазақмыс» минералды-шикізат базасын ұлғайту бойынша белсенді жұмыс жүргізуде, ол үшін 2018 жылы Жезқазғангеология базасында «Қазақмыс Барлау» компаниясы құрылды. Сол уақыттан бері геологиялық барлауға салынған инвестиция көлемі бес есе артып, 9,5 млрд теңгеге жетті. Үш перспективалық кен орнында жұмыс жүргізілуде.

Жергілікті атқарушы билік, компаниялар мен тұрғындардың бірлесе әрекет етуі өңірлерді одан әрі дамытуға және осы аймақтардағы өмір сүру деңгейін жақсартуға мүмкіндік береді
2009-2020 2016 жылдың 6 мамырындағы № 15988-АА куәлігі Барлық құқықтар қорғалған