Бірнеше жылдан бері «Қазақмыс» Кеңгір су қоймасының жағасында ағаштарға күтім жасап, көгалдандыру шараларын жүргізіп келеді. Ал осы жылдың мамыр айынан бастап - Сәтбаев қаласында да бұл бағытта жұмыстар атқарылуда.

Қала аймақтарын абаттандыруда жүйелі жұмыстар жүргізу үшін Корпорация Кен өндіруші қала стандартының концепциясын әзірлеу туралы келісімшартқа отырды. Оның негізінде азаматтардың өмір сүру жағдайларын жақсарту бойынша алдағы іс-шаралар жоспарланатын болады.

Мәселен, Жезқазған мен Сәтбаевтағы аулалар қазірдің өзінде заманауи стандарттарға сәйкес абаттандырылуда. Біріншісі аяқталуға шақ қалды.

Сонымен қатар, Корпорация Жезқазған өңірінде әлеуметтік маңызы бар тауарларға бағаны тұрақтандыру үшін өзінің мини-маркеттерін салуда. 2018 жылы өңірдегі ең ірі сауда орталығы - «Ұлы Дала» гипермаркеті ашылды. Бұл жоба одан әрі жалғасын тапты - 2020 жылы Жезқазған және Сәтбаев қалаларында 20 ULY DALA мини-маркетінен тұратын бөлшек сауда желісінің құрылысы басталды. Олардың тоғызы қазірдің өзінде Сәтбаевта, үшеуі Жезқазғанда іске қосылған.

Сондай-ақ Балқаш қаласында осындай 10 мини-маркет салу мүмкіндігі қарастырылуда. Одан бөлек, көкөністер мен жемістерді сақтау және бекітілген бағамен қамтамасыз ету үшін келесі жылы Жезқазған қаласында тарату орталығын ашу жоспарланып отыр.