Өңірлердегі әкімдіктер мемлекеттік-жекеменшік серіктестік аясында бейне-мониторингті енгізу бойынша жұмыс жүргізуде, алайда бүгінгі таңда қала аумағының негізгі көшелерін қамту 15% ғана құрауда, ал аулалар бейнебақылауымен жабдықталмаған.

Қалыптасқан жағдайды жақсарту үшін Корпорация қалалардың қауіпсіздігін арттыруға бағытталған жобаларды іске асыруда. Ағымдағы жылдың сәуір айында Жезқазғанда «Қауіпсіз аула» пилоттық жобасы іске қосылды, оған Есенберлин көшесіндегі тұрғын үйлерді және No3 орта мектепті жарықтандырумен және бейне-мониторингпен толықтай қамту кіреді.

Қаланың бұл ауданы ең көп құқықбұзушылықтар тіркелген санаулы аудандардың бірі болды. Пилоттық жобаны жүзеге асыру ондағы құқықбұзушылықтардың санын едәуір азайтуға мүмкіндік берді.

Сондай-ақ, Сәтбаев қаласында жұмыс тобы құрылып, оның құрамына әкімдіктің, құқық қорғау органдарының, Корпорацияның және мамандандырылған ұйымның өкілдері кірді. Жұмыс тобының міндеттеріне бейне-мониторинг желісін масштабтау бағдарламасын әзірлеу кірді, нәтижесінде, ең алдымен, жаңа «Нұрлы-мекен» ауданын бейне-мониторингпен жабдықтау туралы шешім қабылданды.

Полиция қызметкерлерінің жеткілікті дәрежеде материалдық-техникалық тұрғыдан жабдықталмауы және ынталандырылмауы жағдайында қауіпсіздік деңгейін жоғарылату, құқық бұзушылықтардың алдын алу және оны анықтау мүмкін емес екенін ескере отырып, қажетті көмек көлемі көрсетілетін болады - мәселен, күзетшілерді арнайы киіммен, кеңсе техникасымен, байланыс және көлік құралдарымен қамтамасыз ету жұмыстары басталып кетті.