Миди станциясындағы «Жылдам командалар» функциялары музыка мен шамдар, ажыратқыштар мен бергіштер (датчиктер) секілді ақылды үй құрылғыларын жылдам басқаруға мүмкіндік береді. Виртуалды көмекшіге, сонымен бірге ақылды үйді автоматты басқару үшін сценарийлер баптауға болады. Мәселен, бөлмеге кірер алдында жарықты қосу немесе пәтердегі жағдайға қарай температура мен ылғалдылықты реттеу.

Бұдан бөлек Алиса сыбырлап сөйлесе алады және қазақ тілін біледі, бұл Миди станциясын Қазақстан тұрғындары үшін одан ары ыңғайлы етеді.

Ішіндегі нейронды процессордың арқасында Миди станциясы пайдаланушылардың дауыстық командаларына жылдам әрекет етеді. Сонымен бірге ол Zigbee хаттамасының көмегімен интернетке қосылмай тұрса да, ақылды үйді басқара алады. Ал ықшам дизайны оны кез келген интерьерде жарасымды етеді.

Ақылды бағанаға, сондай-ақ меломандар үшін қызықты Room Correction технологиясы кіріктірілген. Технология үй-жайдың акустикасына анализ жасап, жаңғырық жиілігін түзейді. Түптеп келгенде бұл құрылғы дыбысын таза әрі үйлесімді етеді. Оған қоса құрылғы тіпті бөлме ортасында тұрмаса да, дауыс көлемді және шынайы шығуы үшін бағананың кеңістікте орналасу ретін есепке алады.

Ақылды бағанадағы төрт сезімтал микрофон шулы ортада да бұйрықтарды анық естиді, ал LED-дисплей құрылғымен әрекеттесуді ыңғайлы әрі қызықты етеді.

Робот-шаңсорғыш – бұл кез келген үйде епті көмекші. Ол кесте бойынша жұмыс істей алады, кедергілерді айналып өтіп, тіпті үйдегі қол жетпейтін бұрыш-бұрышты шаң-тозаңнан тазалайды. Сонымен бірге мұндай құрылғылар уақыт пен күшті үнемдейді, ал бұл жұмысбасты және үй жинауға уақыты тапшы адамдар немесе үй ханымдары үшін мінсіз сыйлық болады.

Мәселен, Samsung Jet Bot Plus немесе Dreame D9 Max Gen сынды танымал модельдер смартфонмен не болмаса дауыстық көмекшімен синхронизацияланады. Бұл сіз кеңсе немесе жұмыста болған кезде шаңсорғышты кесте бойынша үй тазалауға, сонымен бірге оны қашықтан басқаруға мүмкіндік береді.

Ақылды шамдар мен ажыратқыштар – ақылды үй жасағысы келетіндер үшін таптырмас сыйлық. Мұндай құрылғылардың көмегімен мобильді қолданбалар арқылы үйдегі жарықты және тұрмыстық жабдықтарды басқаруға болады. Осылайша үйде жайлылық орнатуға болады.

Мәселен, Xiaomi Yeelight шамының жарығы мен оның түсін реттеуге, қосу және өшіруге арналған таймерлерді баптауға болады. Ал Яндекс шамдары мен ажыратқыштары Алисамен жақсы жұмыс істейді. Осылайша ақылды ажыратқыштар бұйрық арқылы өшіріліп қана қоймай, мобильді қолданбада электр энергиясын бақылауға мүмкіндік береді.

Электр энергиясын үнемдей отырып, үйде жайлы температураны ұстап тұру үшін, мәселен, Aqara бренді шығарған смарт-термостаттардың көмегіне жүгінуге болады.

Мұндай құрылғылар тәуліктің кез келген уақытында қыздыру режимін дәл баптауға көмектеседі. Сіз температураны мобильді қолданба арқылы басқара аласыз, сонымен бірге жылу қажет кезде өшуі үшін автоматты сценарийлер жасап қоя аласыз.

Сыйлық ретінде Xiaomi Mi Band 8, Samsung Galaxy Fit 3 және Huawei Band 8 сынды фитнес-білезіктерді сыйлауға болады. Бұл құрылғылар физикалық белсенділікті, ұйқы сапасын, жүрек соғысын бақылауға көмектеседі. Олар, сондай-ақ телефондағы хабарламаларды бірден білезікте қабылдауға көмектеседі. Мұндай білезік – өз денсаулығын күтетіндер және жаңа жылға мақсаттар қоятындар үшін керемет сыйлық.

Scale немесе Aulandi секілді ақылды таразылар дене салмағын өлшеп қана қоймай, метаболизм жылдамдығын, висцеральді майдың пайызын, ақуыздың сіңірілуі және ағзаның өзге де көрсеткіштерін бақылауға мүмкіндік береді. Таразы нақты деректерді көрсетіп, физикалық форманы сақтауда таптырмас көмекші бола алады.

3D-қалам — көлемді объектілер салуға көмектесетін ерекше сыйлық. Соның арқасында балалардың қиялы дамып, ой-өрісі кеңейеді. Қаламды қолдану оңай, оның жанына түрлі түсті пластик сым қоса беріледі. Бұл бала фантазиясының дамуына септігін тигізеді. Мәселен, PCL негізгі функцияларын атқарып қана қоймай, сөйлей де алады, FinePower жұмыс параметрлері көрініп тұратын дисплейге ие.

Фотосуретті қағазға басып шығаратын кезең артта қалып, орнын цифрлық технологиялар басты. Десе де, көптеген адам бұрынғысынша өміріндегі ең керемет сәттерді жақтаушаға не альбомға салып қоятын сурет түрінде сақтағысы келеді. Заманауи технологиялар қағаз түріндегі суреттерге арнайы фотосалонға бармай-ақ қол жеткізуге көмектеседі. Бұл үшін қолыңда Canon SELPHY немесе Fujifilm Instax сынды портативті принтер болса болғаны. Бұл құрылғылармен фотосуреттерді телефоннан-ақ кез келген жерде басып шығаруға болады.

Егер телефондағы не ноутбуктағы бумаларды ақтарып, суреттер іздеумен әуре болмай, электронды форматтағы суреттерді тамашалағыңыз келсе, интерактивті фотожақтауша таптырмас сыйлық болады. Мәселен, Kodak немесе Frameo брендінің жақтаушалары телефон немесе жады карталарынан жүктелген фотосуреттерден видео я болмаса слайдшоу жасай алады. Бұл естеліктерді цифрлық галерея түрінде сақтайтын және интерьерге жайлылық сыйлайтын керемет тәсіл.

Ерекше әсер алғысы келетіндерге виртуалды шынайылық топтамасын сыйлауға болады. Мысалы, Meta Quest 3 топтамасында көзілдірік пен бақылағыш құрылғы бар және әсерлі ойындар ойнауға, түрлі виртуалды саяхаттарға арналған қолданбаларды қолдануға мүмкіндік береді.

Nintendo Switch Lite немесе PlayStation Portal секілді портативті консольдер ойынды жақсы көретіндер үшін мінсіз сыйлық болады. Бұл құрылғылар шағын және көптеген көңіл-көтеретін ойындарды назарға ұсынады. Консоль өзіңмен бірге саяхатқа ала жүруге немесе үйде, диванда жатып ойнауға ыңғайлы. Ал Xbox немесе PlayStation 5 стационарлық консольдер тіпті кез келген геймердің арманына айналған. Мұндай сатып алу арқылы біршама уақыт бойы жасөспірімге сыйлық іздеп, бас қатырмайтын боласыз. Консольдерге арналған ойындар да жиі жаңарып тұрады. Оларды жеке сатып алуға тура келеді, демек консольге арналған ойындар да болашақта жақсы сыйлық бола алады.