«Жаппай сатылым» деп қызылмен жазылып тұратын үлкен тақтайшалар мен телефоныңызға келетін жеңілдіктер туралы неше түрлі промокодтар біздің санамызды улап, қажетсіз заттарды алуға итермелейді. Киюге ыңғайсыз бірақ, арзан бағадағы жылтырағы бар туфлиді міндетті түрде киетіндей, аэрогильде ас дайындайтындай немесе капучинаторды үнемі пайдаланатындай боламыз, өйткені бұл заттар ешқашан дәл осылай арзан болмаған. Ал, шын мәнінде олар қажетсіз балконда жатады, кейін достарыңыз бен жақындарыңызға, туысқандарыңызға беруіңіз мүмкін. Есіңізде болсын, жаппай сатылымдарға бұрын сатылымы төмен болған немесе бағасы тым жоғары болғандықтан көп адам ала қоймаған, өтпей тұрған заттарды шығарады.
Алайда, кез келген жағдайдағыдай, бұл ережелерді айналып өтуге болатындай сәттер де болады. Ол үшін осы нұсқаулықпен танысып шығып, жөн-жобасын біліп алсаңыз жетіп жатыр. Сонда сіз қыруар ақшаңызды үнемдеп, бағасы мен сапасы келіскен дүние сатып аласыз.