Мен өмір бойы медицинада жұмыс істеп келдім, мамандығым – мейірбике. Жұбайым әскери адам болғандықтан, біз елдің түкпір-түкпірін шарлап шыққанбыз, гарнизондарда тұрып, шекара да асып көрдік. Сол жақта мен де еңбек еттім.

Алматыға қайтып оралған кезде мен кәсібімді біржола өзгерту туралы шешімге келдім. «Сәтті Жұлдызға» жұмысқа қабылдау туралы хабарландыруды көріп, сұрастырып, сұқбаттасуға бардым. Шынын айтқанда, менің жасымда жұмыс табу қиын, бірақ бұл жерде адамның жасына мән бермейді - 18-65 жас аралығындағы адамдарды қабылдай береді.

Мойындау керек, мен сол уақытта Қазақстанда ұлттық лоторея барын білмеппін - соңғы рет мен оны біраз жыл бұрын, жүргізушісі Сергей Погосян болып тұрғанда ойнаппын. Мен ол шақта демалыс күндеріне орай балаларға «Бинго» лоторея билеттерін сатып әперіп жүрдім, ал өзім мүлде қатыспаппын. Мен құмар қуған адам емеспін, өз еңбегіммен ақша тапқанға үйреніп қалғанмын. Тәжірибемде ірі ұтыстар болмады, негізінен жұбаныш сыйлықтарын алыппыз.

Компанияға келген уақытта бірнеше күн оқып, білім алып, жұмысыма кірістім. Негізгі міндетім – адамдармен қарым-қатынас жасау, бұл кеңесші үшін ең маңызды нәрсе. Адамдарға өзіңізді оңай тыңдата білуіңіз керек, оларға кеңес беріп, лоторея туралы айтып, қатысушының көңілін көтеруіңіз, тіпті ол жеңіліп қалып жатса да, көңілді болуын қамтамасыз етуіңіз қажет.

Жасы үлкен адамдар тек лоторея билетін сатып алу үшін емес, бізбен әңгімелесу үшін келеді. Қазір сөйлесудің жетіспеушілігі жасы үлкен кісілерде жиі кездеседі. Екінші жағынан – билет сатып ала алады. Лоторея туралы ақпаратты адамдардың қызығушылығын ояту үшін беру керек. Мысалы, миллион ұтыс туралы, акциялар туралы айтамын. Осы уақытта біреулер де өз тәжірибесімен бөлісіп, қалай және қанша ұтқанын айтып жатады.

Өзіңнің де қалауың болады – жасы үлкен адамдар көбінесе тираждық лотореяны таңдаса, жастар әп-сәтте ұтатын лотореяны таңдайды. Күн сайын біреу жеңіп жатады, біреу ұсақ-түйек, біреу үлкен соманы, миллионнан жоғары соманы ұтып жатады. Менің сауда нүктемде ең ірі жүлде Lada Granta көлігі болды.

Оның үстіне қатысушы жеңді деген хабарды бірінші мен білдім, бірінші болып көрдім – тікелей эфирді тамашалап отырдым, ал есімін атағанда маған таныс боп көрінді. Мен өзімнің тұрақты клиентіме қоңырау шалып, билет нөмірін тексеруді сұрадым. 20 минуттан соң ол маған қайта қоңырау шалып, - «мен көлік ұттым» деді. Бұндай жағдайда мен қатысушылар үшін қуанамын.

Жұмыста мен көтеріңкі көңіл-күймен жүремін, оны өз айналама беруге тырысамын. Тұтынушы, болмаса қасымнан өткен жолаушылардан лоторея сатып алуын сұраймын, ол үшін мен мақал-мәтел мен фильмдердің фразаларын қолданамын. «Жақындаңыздар, лоторея сатып алыңыздар», - деп айқайлаймын. Мақтау сөз айтамын, тіпті адам ештеңе сатып алмаса да, ол жақсы көңіл-күймен кетеді. Ал келесі күні ол қайта айналып келіп билет алуы мүмкін.

Менің жұмыс күнім таңғы сағат 10-да басталып, кешкі 22.00-де аяқталады. Екі күн істеп, екі күн демаламын. Таңертең келе сала лотореяларды орналастырамын, терминалды қосамын – еш қиындығы жоқ. Кейін терминал арқылы қатысушылардың билетін тексеремін – нәтижесі экранға шығады, барлығы әділетті, ашық, өйткені адамдар сенеді. Егер жүлде болса – ол бірден көрінеді, бірақ қатысушылардың барлығының мақсаты жеңу емес. Көбісі көңіл көтеру үшін, жай уақыт өткізу үшін ойнайды. Міндетті түрде барлығына сәттілік, күнінің жақсы өтуін тілеймін.

Әрине, материалдық сұрақ та маңызды – медицинада мен айына 83 мың теңге айлық алдым. Мұнда, ұлттық лотореяда 15 күн жұмыс істеп, тұрақты түрде 90 мың теңге аламын, онымен қоса қосымша бонустар беріледі. Осы немесе келесі айда қанша айлық алатыным тек өзіме байланысты. Мысалы тек бонустар арқылы айына 300 мың теңге табыс таптым, оған айлығымды қосыңыз. Жарты миллион теңгеге дейін оңай табыс табуға болады.

Ендігі кезекте мен күйеуімнен ақша сұрамаймын – өз шығынымды өзім жаба аламын. Қызыма көмектесемін, биыл ол Польшадағы университетті тәмамдады. Мен оған қажет болған жағдайда ақша жіберіп отырдым. Маған мұнда тек табысы ғана емес, жұмыс кестесі де көңілімнен шығады. Осыған орай мен толыққанды демала аламын, ең бастысы – адамдармен қарым-қатынас жасау.

«Сәтті Жұлдызға» мен 2018 жылы қаңтарда келдім. Аудармашы мамандығы бойынша аяқталмаған біліміммен тұрмыстық техника сататын дүкенде сатушы-кеңесші болып жұмыс істедім. Бұрынғы жұмыс орнымда маған ұнамайтын жайттар көп болды, атап айтқанда, күн көруге ғана жететін төмен жалақы, бейресми жұмысқа орналасу сияқты нәрселер.

Жұмысқа деген құлшыныстың жоғалуына жұмыстағы бірсарындылық та әсер етті. Күн сайын бір нәрсе қайталана беретін, көңілсіз болды, мен онда дамудың жолын көрмедім. Дәл сол сәтте менің «Сәтті жұлдызда» жұмыс істейтін танысым мансап бойынша жоғары көтерілді де, маған өз орнын ұсынды. Істеп көруге шешім қабылдап, өз түйіндемемді жібердім, сұқбаттасуға бардым.

Содан соң стандартты білім беру процесі өтті. Тұтынушымен қалай сөйлесу қажет, лотореяның шарты мен принципін қалай түсіндіру қажет, лотореяның қандай түрлері бар деген сияқты нәрселерді үйрендім. Бұдан кейін жұмысқа шықтым.

Жұмыс күнінің көп бөлігі адамдармен сөйлесуден тұрады және ол мен үшін қызықты. Маған қатысушылардың ұтысқа қуанғанын көрген бір ғанибет, тіпті жүлдесі үлкен емес болса да. Бұл жағымды көрініс. Әсіресе дәл сол сәтте ақшадан таршылық көріп жүрген жандар ұтса, көңілің бір серпіліп қалады. Әдетте адам жай ғана өтіп бара жатып, лоторея билетін сатып алу туралы шешіп, бірден ұтатын кездер болады.

Күніне шамамен 20 адам келіп-кетеді. Олардың әрқайсысына уақытыңды арнап, назар аударуың керек, көңілін көтеруің керек, сөйлесуің керек. Кейбір адамдар лотореяға, өзінің бағына сенбейді, бірақ мен оларға әр билеттен ұтыс шыға бермейтінін, ал жүлде ұту үшін ойнап көру керектігін айтып түсіндіремін.

Менің қатысушыларымның арасында болған ең ірі жүлде Keno-да 550 мың теңге, бірақ жалпы Шымкентте жиі ұтып жатады, мысалы үш апта бұрын ер адам миллион ұтты. Негізінен, 40 жастан жоғары ер адамдар, зейнет жасындағы немесе зейнетке жақын қалғандар келеді. Ескілікті көрген адамдар лотореяға адал. Тұрақты қатысушылар да бар, олар әр демалыс күндері немесе тіпті күнделікті келіп тұрады.

Бір күні жас жұп - ер мен әйел біз жұмыс істейтін сауда орталығында қыдырып жүріп, бірнеше рет менің жанымнан айналып өтті. Содан соң екеуі маған жақындап, қандай лоторея екенін сұрастырды.

Мен оларға қатысып көруді ұсындым – ер адамның көзі жанып кеткенін байқадым, ал әйел күмәнданып тұрды. Бірақ серігі оны көндіре алды – бірден 20 мың теңге ұтып кетті. Содан бастап олар тұрақты қатысушыларымызға айналды.