«200 мың теңгемен бастадым»
Үшаралдық Айнұр Ыдырысова қалай 5 дүкен ашты
Үш баланы жалғыз өсіріп, бес дүкен ашып, үй салып, көлік мініп, тұңғышын АҚШ-қа аттандыру, мұның барлығы ертегідей көріне ме? Ал шын мәнінде бұл - Жетісу облысы Алакөл ауданындағы Үшарал қаласының тұрғыны Айнұр Ыдырысованың өмір жолы. Дәл қазір ол әйелдер киімі мен құрылыс тауарлары дүкенінің иесі, ірі кәсіпкер. Ол өз мамандығы бойынша 8 жыл заңгер болып жұмыс істеп, кейін саудаға бет бұрған. Кәсіппен айналысып қана қоймай, өңірінің дамуына қолынан келгенше қолдау көрсетіп жүрген іскер ханым KAZ.NUR.KZ тілшісіне сұхбат беріп, табысқа жетудің қыр-сырын бөлісті.
Айнұр Берікқызы бұрын-соңды сауда-саттықтан хабары болмаса да, осы салаға о бастан қатты қызыққан. Кәсіп ашып, іс бастауға ниеттенген ол бастапқыда киім-кешек қана сатумен айналысыпты. Он жыл бұрын орайы түсіп, KMF компаниясынан 200 мың теңге көлемінде несие алыпты.
«Бәсеке мен таңдау бар жерде сапа ақсамайды»
Жеке кәсіпкерлік жолында 2014 жылдан жүрмін. Алғашында әйелдер киімін сатудан бастадым. Сол жылдардың өзінде нарықта бәсекелестік жоғары болды. Бірақ оған мойығам жоқ, себебі бәсеке бар жерде, таңдау бар жерде сапа ақсамайды. Мендегі басты артықшылық тауарымның сапасында еді. Тұтынушыларымның талабы мен талғамына сай келсін деп Түркиядан, Бішкектен, Гуанчжоудан киім-кешек алдырттым. Келушілерге барынша жағдай жасап, тиімді баға ұсындым. Дегенмен кәсібім бірден дамып, пайдаға кенеле кеттім дей алмаймын.
Кей кәсіпкер табыс ұзақ күттірмейді деп жатады, бірақ мен басында 1 жылдай табысқа шыға алмадым. Тауар келген сайын таныстарыма көрсеттім, жұмыстан тыс уақытта сұраған кісілердің үйіне алып бардым, көрген-білген жандарға жарнама жасадым. Сөйтіп біраз еңбектенген соң ғана жақсы нәтижеге жеттім. Аудандағы қыз-келіншектер бір дүкеннен сәнді көйлек, әдемі сөмке, тіпті аяқ-киім де алып, бастан-аяқ киініп шығатын болды. Осылайша дүкеніме тұрақты түрде келетіндердің саны арта берді», - дейді ол.
Кей кәсіпкер табыс ұзақ күттірмейді деп жатады, бірақ мен басында 1 жылдай табысқа шыға алмадым. Тауар келген сайын таныстарыма көрсеттім, жұмыстан тыс уақытта сұраған кісілердің үйіне алып бардым, көрген-білген жандарға жарнама жасадым. Сөйтіп біраз еңбектенген соң ғана жақсы нәтижеге жеттім. Аудандағы қыз-келіншектер бір дүкеннен сәнді көйлек, әдемі сөмке, тіпті аяқ-киім де алып, бастан-аяқ киініп шығатын болды. Осылайша дүкеніме тұрақты түрде келетіндердің саны арта берді», - дейді ол.
Киім сатып жүріп, уақыт өте келе бес бутик ашқан кәсіпкер ханымның ендігі ойы жаңа, жайлы үй салып, балаларына жағдай жасау болған. Үй салуға кіріскенде құрылыста қолданылатын материалдар тез таусылатынын, әсіресе цемент көп кететінін көріп, сауданың осы бағытын байқап көруге шешім қабылдайды. Киім-кешек саудасында ісі өрге басқан соң, тәуекелге бел буып, жалға контейнер алған. Сатушылар тауып, оларға киім дүкендерін тапсырған соң, өзі жаңа контейнерін жабдықтап, керек-жараққа толтырып, цемент сата бастаған. Құрылыс құралдары мен жөндеу жабдықтары дүкендерін ашатын кәсіпкерлердің дені ер адамдар болса да, Айнұр Берікқызы олардан еш қалыс қалмай, қажырлы еңбек етіп келеді.
«Кәсіптің ебін тапсаң, есебін жүргізу оңай»
«Қаражатты ретті, жүйелі пайдалана алатынымның пайдасы көп тиді. Саудаға қойған ақшамнан бір тиын ұстамадым, сондықтан тапқаным берекелі болды. Тәуекел еткен кездерім де аз болған жоқ. Мысалы, табысымды жинап жүріп жер телімін сатып алдым. Сол жерде қазір үлкен дүкенім жұмыс істеп тұр. Алайда саудамен айналысқан 10 жылымда қолымды бір сілтеп, бұл істі тастап кетуге ниеттенген сәттер де болғанын жасырмаймын. Цемент сатамын деп контейнер жалдағанда, жалға берушілер бағасын көтеріп жібере беретін. Кранмен ғана тасымалданатын үлкен контейнер ғой, заттарымды әрі тасып, бері тасып, тұрмаған жерім болмады. Тағы бір қиындығы – қара жұмыс істеуге құлықты адам табу. Іске жалқау, сөзге тұрақсыз, жауапкершілігі төмен жұмысшылар көп кезікті. Кәсіпте көмекшім, ақылшым болған емес, бүгінге дейін есепшіге, маркетолог мамандарға жүгінбеппін.
Ебін тапсаң, есебін жүргізу оңай екен. Жобаларымды, жоспарларымды өзім ойластырамын. Қазір қоластымда 27-45 жас аралығындағы 15 адам еңбек етіп жүр. Олардың ішінде сатушы, жүк тасушы, аспаз да бар. Әр қызметкердің айлығын уақытылы төлеймін, тамақты тегін беремін. Пайда тауып қалуды көздемеймін, ақшадан гөрі адамдардың жылы лебізі артық», - дейді іскер ханым.
Ебін тапсаң, есебін жүргізу оңай екен. Жобаларымды, жоспарларымды өзім ойластырамын. Қазір қоластымда 27-45 жас аралығындағы 15 адам еңбек етіп жүр. Олардың ішінде сатушы, жүк тасушы, аспаз да бар. Әр қызметкердің айлығын уақытылы төлеймін, тамақты тегін беремін. Пайда тауып қалуды көздемеймін, ақшадан гөрі адамдардың жылы лебізі артық», - дейді іскер ханым.
Табысты кәсіпкер саудада жетістікке жетіп қана қоймай, Үшаралдың қоғамдық өміріне де белсене араласып, жерлестерінің ықыласына бөленіп жүр. Сұраған жаннан көмек беруден аянбаған. Ал өзінің өмірдегі, кәсіптегі қолқанаты – үш ұлы. Үшеуі де анасына жәрдемдесіп, үнемі жанынан табылады. Тұңғышы аудан ішінде тапсырыс жеткізеді. Ортаншысы анасының ғана емес, еліміздің мақтанышы болуды мақсат тұтады. Ал кішісі екі ағасының ізін басып, елжанды, еңбекқор болып өсіп келе жатыр.
«KMF-тің арқасында кәсібімді дамытып, ұлымды АҚШ-қа жібердім»
«Нендей жайт болса да, анамның ақ батасы мен балаларымның қолдауы арқасында қиындықтың барлығын еңсеріп келемін. Үлкен ұлым 11-сыныпты бітіргелі отыр, екінші ұлым 8-сыныпта оқиды. Тұңғышым жүк көлігіне тауар тиеп алып, тапсырыстарды жеткізіп беруге жарап тұр. Екіншісі спортпен айналысады, жекпе-жектен жарыстарға қатысады. Жақында Нью-Йорк қаласына барып, жүлделі 1-орын алып келді. Шетелге барарда қомақты қаражат керек, KMF-тің арқасында кәсібімді дамытып, жемісіне баламды АҚШ-қа да жібердім. Кіші ұлым 3-сынып оқиды. Ол да күреске қатысады. Болашақта кәсібімді екі ұлым атқарып, жалғастырады деп ойлаймын. Кәсібіміз отбасылық іс болғанын қалаймын.
Балаларымды еңбекке ерте араластырып, жұмыстың қыр-сырын түсіндіріп келемін. Оларға Отанға деген сүйіспеншілік, адамгершілік қасиеттерді насихаттап отырамын. Өзім де қолдан келгенше ауданымызда өтетін спорттық, мерекелік шараларға демеушілік көрсетіп тұрамын, алдыма келген шын мұқтаж адамның бетін қайтарып көрмеппін. Ортамызға, қоғамға, елімізге пайдамыз тимесе, ешбір істің қайыры болмайды деп ойлаймын. Жергілікті іскер әйелдер жағдайы төмен жандарға қол ұшын созып, бірлесіп көмек көрсетіп тұратыны бар. Сол қыз-келіншектермен жылда жиналып, қиын жағдайда қалған балаларға жәрдемдесеміз, әр мейрамда азық-түлігін алып береміз», - дейді ол.
Балаларымды еңбекке ерте араластырып, жұмыстың қыр-сырын түсіндіріп келемін. Оларға Отанға деген сүйіспеншілік, адамгершілік қасиеттерді насихаттап отырамын. Өзім де қолдан келгенше ауданымызда өтетін спорттық, мерекелік шараларға демеушілік көрсетіп тұрамын, алдыма келген шын мұқтаж адамның бетін қайтарып көрмеппін. Ортамызға, қоғамға, елімізге пайдамыз тимесе, ешбір істің қайыры болмайды деп ойлаймын. Жергілікті іскер әйелдер жағдайы төмен жандарға қол ұшын созып, бірлесіп көмек көрсетіп тұратыны бар. Сол қыз-келіншектермен жылда жиналып, қиын жағдайда қалған балаларға жәрдемдесеміз, әр мейрамда азық-түлігін алып береміз», - дейді ол.
Айнұр Ыдырысованың алға қойған жоспары, ойға алған мақсаты көп. Ол алдағы уақытта арнайы техника алып, тендермен айналысқысы келеді. Бөлшек саудада бабы жанғандықтан, көтерме саудадағы қарымын байқап көрмекші. Бірақ кәсіпте қандай жетістікке жетсе де, өз туған жерінен кеткісі жоқ.
«Туған жерде тамыр жайып, табысқа жеткеніме бақыттымын»
«Жағдайым қандай жақсы болып тұрса да, ірі қалаларға көшпес едім. Балаларым оқуға түсіп, Алматы, Астана қалаларына барса барар, бірақ мен осында қаламын. Үшарал жаныма жақын, жерлестерім – жақсы адамдар. Осы жерде өркендеп, тамыр жайып, табысқа жеткеніме бақыттымын. Әрине, әуелі Алла қолдады, одан соң KMF-ке ризамын. Компания маған толықтай еркіндік берді. Кәсіп бастарда қаражат алудың тиімді нұсқаларын, ұтымды жолдарын ұсынды, жеңілдіктерін үнемі хабарлап отырды. Осы жылдар ішінде басқа банкке барған емеспін. Техника алатын кезде де мәселемді бір күнде шешіп берді.
KMF-ке тұрақты түрде жүгінетінімді білетіндер қазір менен кеңес сұрап, несие алу шарттарын сұрап жатады. Мен әрдайым оларға ақылымды айтып, білгенімді қуана-қуана бөлісемін. Әр ізгі бастаманың бір ризығы болады, сондықтан өз ісін жүргізгісі келетіндер батыл болуға тиіс. Бастысы қиындықтан қорықпаңыздар», - дейді кәсіпкер.
KMF-ке тұрақты түрде жүгінетінімді білетіндер қазір менен кеңес сұрап, несие алу шарттарын сұрап жатады. Мен әрдайым оларға ақылымды айтып, білгенімді қуана-қуана бөлісемін. Әр ізгі бастаманың бір ризығы болады, сондықтан өз ісін жүргізгісі келетіндер батыл болуға тиіс. Бастысы қиындықтан қорықпаңыздар», - дейді кәсіпкер.
Айнұр Берікқызының тәжірибесі жетістікке жетуге ниетті жандардың бәріне үлгі. Ал KMF компаниясы 27 жылға жуық уақыттан бері кәсіпкерлікті дамыту, әсіресе ауылдық жерлердегі шағын кәсіп иелерін, әйелдер кәсіпкерлігін қаржыландырып қана қоймай, қолдауды басшылыққа алған. KMF ауыл шаруашылығы үшін, бизнес үшін, сонымен қатар, тұтынушылық мақсаттарға микрокредиттер ұсынады. Толығырақ kmf.kz сайтынан немесе 7474 нөмірі арқылы білуге болады.
Микроқаржылық қызметті жүзеге асыру құқығын беретін ҚНРДА-ның 26.02.2021 жылғы №02.21.0003.M лицензиясы
Текст: Aрқалық Феримхан
Фото: Ермек Абишев
Верстка: Назгуль Адамалиева
Фото: Ермек Абишев
Верстка: Назгуль Адамалиева
© «Internet Portal Nur», ЖШС 2009-2024
Барлық құқық қорғалған.
Барлық құқық қорғалған.