Қазақстанның ауыл шаруашылығы саласы үлкен әлеуетке ие болғанымен, сала төңірегіндегі түйткілдер аз емес. Су тапшылығы, техникалық мүмкіндіктердің аздығы, қаржының жетіспеуі сынды мәселелер салдарынан көптеген фермер тығырыққа тірелетіні де жасырын емес. Бұл ретте саладағы кәсіпкерлерге KMF компаниясы және KMF Демеу қоры үлкен көмек көрсетіп келеді. Ұйым ұсынатын қаржы мүмкіндіктері мен несиелер ауыл шаруашылығындағы кәсіпкерлердің дамуына жол ашып, табысқа жетуіне септігін тигізіп жатыр.

Оған Отырар ауданы Шәуілдір ауылындағы кәсіпкерлер айқын дәләл. 16 тамызда KMF компаниясы және KMF Демеу қоры аталған аудан аграрийлеріне “Ауыл шаруашылық дақылдарын өсірудің тиімді жолдары” деп аталатын ауқымды агрофорум өткізді. Мұнда Қазақстанның білікті агроном ғалымдары саладағы өзекті мәселелерді талқылау үшін жиналып, кәсіпкерлерге құнды кеңесін айтты.

Отырар ауданы Шәуілдір ауылының фермері Сәкен Абраимовтың кәсіп бастауына KMF компаниясы және KMF Демеу қоры көп мүмкіндік берген. Ол өз ісін небәрі бір сиырмен бастаған. Қазір мал санын 15 бас ірі қараға дейін арттырған. Кәсібінің арқасында ол ауылдағы балабақшаны сүт және ет өнімдерімен қамтамасыз ететін тендер жеңіп алды. Осылайша оның шағын ғана шаруашылығы табысты бизнеске айналған.

Сәкен Абраимовтың KMF компаниясы және KMF Демеу қорымен серіктестігі оның тек қаржылай тұрақтылығын арттырып қана қойған жоқ, сонымен қатар кәсіби дамуына да жол ашты. Мәселен ауылда өткен агрофорум ауыл шаруашылығы саласындағы кәсіпкер ретінде біліктілігін арттыруға септігін тигізді. Шараға қатысқан халықаралық деңгейде тәжірибесі бар агроном ғалымдардың тәжірибесі мен бөліскен ақпараты өте құнды, дейді ауыл кәсіпкері. Ғалымдар мен мамандар аграрийлер жиі тап болатын мәселелерді кеңінен талқылап, шешімін ұсынды.
Форумға арнайы шақыртылған маманның бірі – Нариман Масалиев. Аграрлық ғылым саласында 14 жылдан бері тер төгіп жүрген ғалым өнімділікті арттыру үшін өсімдіктерді қорғаудың тиімді тәсілдерін бөлісті.

Оның айтуынша, арам шөптермен күресудің тиімді жолы – арнайы дәрілерді пайдалану. Бұдан бөлек өсімдік ауруларының негізгі симптомдарына тоқталып, тыңайтқыштардың жетіспеуі кезінде қандай белгілер пайда болатынын айтты. Мысалы азот, фосфор, калий секілді элементтер жетіспеген жағдайда өсімдіктердің өсуі тежеледі және мұндай белгілерді ерте анықтау үлкен шығынның алдын алуға көмектеседі, дейді ғалым. Маманның айтуынша, аграрлық салада жаңа технологияларды пайдалану арқылы шағын және орта кәсіпкерлер үлкен жетістіктерге жетпек.

Агрофорумға қатысқан кәсіпкерлердің бірі – Назгүл Асханқызы. Шәуілдір ауылында 30 жылдан астам уақыт бойы өмір сүріп жатқан ол бүгінде егін және мал шаруашылығымен айналысады. Ал ауыл шаруашылығы саласында бизнес бастауына KMF-тің тікелей қатысы бар. Назгүлдің айтуынша, KMF-пен серіктестігі сонау 2005 жылдан басталған. Содан бері алған несиелердің арқасында үйін жөндеп, шаруасын дөңгелетіпті. Назгүл мен оның отбасы KMF ұсынған қолдау арқылы 2019-2022 жылдары шағын несиелер алып, оны кәсібін өркендетуге және студент балаларына ноутбук және телефон секілді қажетті техника алуға жұмсапты. Оның сөзінше, пайыздық мөлшерлеменің төмендігі – қаржы ұйымының басты артықшылығы.

Форум барысында Назгүл сынды шағын кәсіп иелері спикерлерге көкейінде жүрген сауалдарын қойып, кеңесін тыңдады. KMF компаниясының өңірдегі директоры Мейіржан Мамахановтың сөзінше, агрофорумның негізгі мақсаты – фермерлер өнімін арттырып, табысын көбейту. Осы орайда, агрофорумда ғылыми жобалар көрсетіліп,түрлі тәжірибе талқыға салынды. Агрофорумның дәл осы өңірде ұйымдастырылуы да бекер емес. KMF-тан ауылшаруашылығымен айналысу үшін несие алған тұтынушылардың 70 пайызы Отырар ауданында тұрады.

Өңір кәсіпкерлерінің тағы бірі – Марат Жүнісбеков. Ол өзінің азық-түлік дүкені арқылы жергілікті халықты өніммен қамтамасыз етіп отыр. Бірнеше жыл бұрын KMF компаниясына және KMF Демеу қорына жүгінген Марат алған несиелердің арқасында кәсібін кеңейтіп, екінші дүкен ашқан. Кәсіпкер ұйымның қызметін жоғары бағалайтынын, әсіресе қажет кезде тез арада қаржы алу мүмкіндігі өте тиімді екенін ерекше атап өтті. Марат дүкендерден бөлек ауыл шаруашылығымен де айналысады. Кәсіпкер жүгері, қауын, жоңышқа егеді. Агрофорумда ол өз кәсібіне қатысты маңызды ақпараттар алды.

Микроқаржыландыру ұйымы ауыл шаруашылығын заманауи сипатта дамыту үшін мобильді қолданбасын да шығарған. Платформа арқылы үй жануарлары ауырған кезде шұғыл да тиімді көмек алуға болады. Ұйым менеджері Аяулым Аралбаеваның айтуынша, бұл қолданба фермерлердің уақытын үнемдеуге көмектеседі және жануарлардың денсаулығын күтуге мүмкіндік береді. Бүкіл Қазақстанды қамтитын инновациялық жоба 2 ай бұрын жасап шығарылған. Аз уақыттың ішінде платформаның тұрғындарға тигізген көмегі де аз болмаған.

Форумға қатысушы тағы бір кәсіпкер Айжамал Бақдәулетова KMF компаниясына алғаш рет 2014 жылы жүгінген. Ол – тәтті пісірумен айналысатын кондитер. Бизнесвумен жыл сайын өз бизнесін ұлғайтып, жуырда KMF-тен ірі көлемде несие алған.

Кәсібін өрге дөңгелеткен жандардың басын қосқан шара KMF компаниясы және KMF Демеу қорының ұйымдастыруымен өтті. Ұйым нарықта 1997 жылдан бері қарқынды жұмыс істеп келеді. Ауыл шаруашылығын дамытуға ұдайы қолдау көрсетіп келе жатқан ұйым агрофорумға келгендерге арнайы сыйлық таратты. Ал шара аясында ұйымдастырылған көрме арқылы кәсіпкерлер агроөнеркәсіптік компаниялармен жақынырақ таныса алды. Форумнан алған білімін пысықтау мақсатында қонақтар арасында ұтыс ойыны ойнатылды. Бір қуантарлығы, KMF компаниясы алдағы уақытта да ауыл шаруашылығын қолдауды жалғастыра бермек.